أبيات أبوذيّه

عله الصادق دموع الحزن تنصاب
و عليه اقلوب شيعة علي  تنصاب
يستاهل مآتم حزن  تنصاب
بجي و نوح و لطم صبح و مسيه

عله امصابك اقلوب و روس  شابت
و نفسنه اعله الحزن و الآه  شابت
ابيوم  الشاف  ذيج النار شابت
تذكر  نار يوم  الغاضريه

خذت من الحياة ابشرف  داراك
هضيمه الموت جفه اشلون  داراك
ابيوم  النار  حرقت باب  داراك
اذكرت  دار  أمك الزهره  الزجيه

تميت أقطع الوديان و  اجري
عله الصادق و أهل ادموع و أجري
ينار الحزن بالدلال وجري
ابمصابه جيت أعزي الجعفريه

يالشايل  نعش والينه و ن  بيه
دقلنه يحادي اتروح ون بيه
قلبنه مو خلص ها كثر ون  بيه
عله البلسم قضه ابهاي المسيه