أبيات أبوذيّة في رثاء الإمام الحسين عليه السلام

مثل كَلبي كلب ما أظن  يرحن
شفرات  النوايب  بيه  يرحن
اشلون  الحرم للشامات  يرحن
و أهلها اعله الترب تبكه  رميه

يمن صارمك للعسكر  وبلها
و  صبغ قاع الوغه بدمه  وبلها
هاي اظعونكم سارت  وبلها
حداها الشمر عكب  الهاشميه

دنية  شوم ما لحظه  ترحنه
و  ضلعي من ثقيل الهم  ترحنه
يبو  السجاد ظلينه  ترحنه
حرم يالصعب توديعك  عليه

إخوتي  ابكربله و الموت  ياهم
دليلي  اعله الصبر و النوح  ياهم
كثيره  اهمومي  أحمل بعد  ياهم
اشخلت  عندي حرب  الغاضريه

نحن جالفاجدات ابيوم  ينحان
عليك و ما حسبت الظهر ينحان
تمنيت أمتلك يحسين  ينحان
و أطوف اعليك كل صبح و  مسيه

يمر طيفك عليَّ حسين ويروح
و  يفسر  بالقلب لجمات  ويروح
نطيتك مهجتي و دلال  ويروح
و بقه بس الجسد تابوت إليه

جنت  أتمنه ازور حسين  وطفه
و  حجاً و اعتمر بالحرم  وطفه
لجن  درني رماد البين وطفه
ضوه اعيوني الأمان و خان  بيه

صبرك  حير الدنيه  وجنها
إنسها  بجت  لمصابك وجنها
نيران  الحزن روحي  وجنها
عله  امصيبتك يا روح  الزجيه

أنا ريحانتك يا جد وراحه
عقبك ما شفت رأفه  وراحه
أريد  اللي ضمن جسمك وراحه
يضمني اوياك بجنان الزهيه

محمد يا ثمر قلبي ولي راي
الدهر  صوبني ابمخاليبه ولي  راي
أهاجر  من وطن جدي ولي  راي
أسير  ابكربله بالفاطميه