رادود: باسم الكربلائي، جليل الكربلائي
عيني الما بجت ليله عمه إلها
و يزيد الرادها اويانه عملها
عرفنه الما لها والي عم إلها
و أنه لا والد و لا عم إليه
الدهر غرب نجوم الأمل بسماي
و أميه سدلت امن الثغر بسماي
هو اشطلب منها احسين بس ماي
و عليه بخلت نفوس أجلاف اميه
من صوب أجمع الأيتام و من صوب
أنشف دمع عالوجنات من صوب
يخويه راسك اعله الرمح منصوب
و صريع الجسم برض الغاضريه
اعجزت كلما أصبر القلب يابه
امنين الضيم الي الدهر يابه
اسمعت طفله تون و تصيح يابه
و أبوها احسين مرمي اعله الوطيه
ليل الخوف عالأيتام هاجن
و عله اعيالك أمواج الخيل هاجن
هاجنك خواتك قوم هاجن
و لا تعوقك عن النخوه المنيه
مصدر النقل: موقع القصائد الولائية
2مشاهدة