آنه القضت عمرها ابلوعه و بحسره

أنه  القضت عمرها ابلوعه و  بحسره

أنه  من الزغر شفت الهضم و  النوح
بعيوني الفرح من الزغر  مذبوح

فقدت أمي و ابويه و جمعة  إخواني
خلاني  الوكت بالحسره  خلاني

دوهني  و كسر قلبي و ظلمني  البين
آه  يا حسين آه يا حسين آه يا  حسين

عماني الطف يشيعه و تيهت دربي
متت لمن شفت عينه إلي تربي

انهدم حيلي و خلص عمري و متت يا ناس
بعد بيمن قلت افخر و أشيل  الراس

متت  من طبتي للشام مجتوفه
متت موتت رقيه ابلوعه ملهوفه

أنه  زينب  عزيزة فاطمة الزهره

تولاني الزمان اجروح فوق  اجروح
ألوج  ابصدري دوم امكسره  العبره

و بقيت آنه و دمعتي و جمرة  أحزاني
الله  ايعين قلبي ابمحنته و  صبره

و  ناري ما تطفيها دموع  العين
ما  أنسه غربته ولا قطع نحره

الشمر وي منحر إبن أمي قطع  قلبي
عله  راس  الرمح و العايله اتنظره

من راح و بعد ما رد إلي عباس
من طاحت يمنته و طاحت اليسره

و  راسك  ينظر و اعيوني  اتشوفه
بقيت  و هسه وارت جسمي  الغبره