آنه العزيزة الطاهره

آنه  العزيزة الطاهره…يا شيعتي إبحالي  إشجره
ما  نصف  دهري الغدار…و الصدر صابه  المسمار
يا  شيعتي  إبحالي  إشجره

من يا مصيبه أحجي و أهل النظر…طاهره و منهو الذي مثلي  صبر
يا شيعتي إتحملت ضيم و قهر…آنه الجنت بضعته السيد  البشر
أبدي  و أبين حالتي…و هلوا الدمع يا  شيعتي
بالحاله تدرون إشصار…و الصدر صابه  المسمار
يا  شيعتي  إبحالي  إشجره

من دفعت الباب العده المجرمه …و من عرفوا آنه الطاهره  فاطمة
إتعمدوا عالشر و حق رب السمه …عصروني و إمن الصدر يجري الدمه
بالهجمه صرت ابيا وضع…و إنكسر من عندي  الضلع
و محسن وقع ابباب الدار…و الصدر صابه  المسمار
يا  شيعتي  إبحالي  إشجره

من إوقعت يا فضه لحقي صحت…دفعت الباب إبصدري آنه  إنصبت
و بالأثر طفلي وقع و إتحيرت…جني أشوف الدنيه منها  رحت
حالة البيها امألمه…ناديت يا حامي  الحمه
إحضرني يا حامي الجار…و الصدر صابه  المسمار
يا  شيعتي  إبحالي  إشجره

وصيت يحمل نعشي عقد الوله…إبليل أظلم و متشوفه بعض المله
نفذ  وصيتي ابدمعته الهامله…ما يدري حيدر شنهو  متحمله
ما  يدري  ضلعي بيه كسر…و إعليه يصعب  هالأمر
و أيحز أخاف الكرار…و الصدر صابه  المسمار
يا  شيعتي  إبحالي  إشجره

ودعني حيدر و المدامع جرن…و إينادي رحتي من إيدي يم  الحسن
يالزهره  صوبني إبمحنتي الزمن …و إشلون أودعج و إنتي روح  إببدن
قلبي إنجرح يا سلوتي…يا نور بيتي و شمعتي
و الجبد يتلاهب نار…و الصدر صابه المسمار
يا  شيعتي  إبحالي  إشجره

نزلها حماي الحمه باللحد…و عن الزجيه إشلون حيدر يرد
و إشلون بت سيد البشر تنفقد…و نار المصيبه تستعر بالجبد
حيدر قعد يم القبر…و إعليه يصعب هالأمر
ظل الصميده محتار…و الصدر صابه  المسمار
يا  شيعتي  إبحالي  إشجره

يم  القبر قاعد علي إبمحنته …و إعله الزجيه ظل يهل  دمعته
و هاي المصيبه ابيا وضع خلته …سلمها طاها المصطفه إبيمنته
ودعها بدموع التهل…روح النبي سيد  الرسل
سملها بيد المختار…و الصدر صابه المسمار
يا  شيعتي  إبحالي  إشجره