يا محله الوداع بهالمسيه

يا محله الوداع بهالمسيه.. وعلوم المنيه .. بين الفاطمي والفاطميه

طب خيمة الحره حسين واليها ….. ونادى هنا يا زينب
گعد  عدها يودعها ويسليها ……….. ونار الحزن  تلهب
يوصيها ويسلم اطفاله بيديها ………… والخدر المرتب
الله شمصيبه … محبوب وحبيبه… من تتحمس بنار الرزية

حس گلب العقيله ودوت بيه النار ….. من جمر  المصيبة
ونادت يبن ابويه ما تگللي شصار …… گلب إختك بريبه
چن  الفلك  طرنه وبالعكس يندار ……. وچن إختك غريبه
يابن أمي شدهانه …. من دهر الجفانه … شتتها الشمل  بالغاضريه

صد  حسين لخته والگلوب تلوب …….. وتغيرت  الحاله
وناداها الشهاده فصلت لي ثوب …… من نسج  الجلاله
إلچ  ثوب اليسر من العهد مكتوب ….. ولخدرچ حلاله
خلينه نتشارك… بهالثوب المبارك… حله لخدرچ وانه مفصل  عليّه

نادت يبن ابويه بالعهد راضين …. والحگ لو رضينه
ولا عزت عليك ارواحنه يحسين ….. وإنت تعز علينه
تهيء للشهاده وإحنه متهيئين ………….. نتنطر سبينه
إحنا  على السعاده …. وإنت على الشهاده … نيتنه وعسن راشده  النيه

لاچن عگب عينك يا ضوى عيني …. خدر إختك  مماته
خوفي من الشماته بسهم ترميني …. ولاشوف الشماته
خليني أرد اموت وياك خليني … ولاشوف الشماته
والشامت إله سهام …. تمضي بگلب لكرام …. أمضى واشد من سهم  المنية

إلك  عندي  أمانة من أمك الزهره …. هاك إسمع  المضمون
لخوچ بكربلا تحبينه بصدره …. وسجيه ماي لعيون
ومن تجدم منيته جدمي مهره …. وخليه يجبل على  الكون
هذي كربلا هاي ….. چيف البصر والراي…. وهاك إخذ الأمانه من الزجية

وصلتني  الأمانه يا عقيلتنه …. وچني  تسلمتها
وحگوگ  الوفا وشرط خوتنه …. بوجودچ  شفتها
هذي كربلا وهذي شهادتنه ….. تشهد وسمعتها
ثبتتلچ  إراده …. وتشهد لچ شهاده …. صبرج نصر دين الله  ونبيه

وتدنى حسين لخته وشبگته وتنوح …… والونه ثجيله
گبل  جرح السهم خلت بگلبه جروح ….. وتگطع  دليله
يخويه خل أبدل وياك روح بروح ….وصد على  العقيله
ناداها الأمر صار …. لو عمت الأخطار