شاعر: هيثم سعّودي الكربلائيرادود: السيد حسن الكربلائي
أندعيلك…أندعيلك
وانتظر يبني تجيني …..او عالدرب مشبوحه عيني
عالدرب مشبوحه عيني يا علي وعيوني تربي
او گلبي ما يملك قراره يل خذت ويّاك گلبي
أنتظر يبني تجيني واندعي والباري حسبي
هذا روحي يا اءلهي او ما اءلي غيره يربّي
يجري دمعي….او گلبي يدعي
يا اءلهي او يا مُعيني ….او عالدرب مشبوحه عيني
هذا روحي يا اءلهي او صوره منّ الهادي جَدّه
هذا غصن اللّي جنيته وازهر ابدلاّلي ورده
هذا ابني اللّي ذخرته او للشدد منطيني عهده
يا من اليوسف جمعته ابوالده لوليدي رِدّه
هوّه روحي….او لجله نوحي
ما بطل نوحي او ونيني ….او عالدرب مشبوحه عيني
يا علي مشبوحه عيني الحومتك وادموعي تجري
او يجري ذكراك اعله بالي او ينشغل برباك فكري
أذكر أتعابي او ونيني والسهر وادموع صبري
او من أشوفك عنّي غايب ينكسر يوليدي ظهري
ياحياتي ….وامنياتي
عود اءليّهاو ردلي ديني ….او عالدرب مشبوحه عيني
أنتظر بالخيمه يبني او منشغل فكري ابغيابك
ولنّي أسمع بالنوايب يبني تنعالي مصابك
يا علي واشلون جيبه والدك للخيمه جابك
امخضّب ابدمّك حبيبي يلرحت فدوه الشبابك
يا حبيبي….او چن نصيبي
ينگطع بينك او بيني ….او عالدرب مشبوحه عيني
يا علي هذا انته يبني بالدمه مخضوبه جثتك
يبني ريت اعيوني تعمه او لا علي' هلحاله شفتك
يبني گوم او ردلي روحي وارسم ابوجهي ضحكتك
يبني روحي تسري بيّه لو شفت تبسملي شفتك
انهض ابني….دهري ذبني
وانته مذخور السنيني ….او عالدرب مشبوحه عيني
والدهر ذبني يالاكبر يا ثمر گلبي او حبيبي
وانته مذخور المشيبي واصبح ابفگدك مشيبي
يبني يلرحت او عفتني الونّتي او دمعي او نحيبي
لابگه أتسلّه ابطيوفك يلصُبح طيفك نصيبي
و أبطيوفك….يبني أشوفك
اتگلّي يُمّه استقبليني ….او عالدرب مشبوحه عيني
يا علي ما خيّبتني او بالحرب وفّيته ديني
انته ضحّيت ابحياتك او قرّت اعله ارباك عيني
والاجل يا فرحة اُمّك لو گطع بينك او بيني
ابجنّة الفردوس يبني نلتقي وانته التجيني
او من تضمني….اتگلّي يبني
منتظر يوم التجيني ….او عالدرب مشبوحه عيني
مصدر النقل: موقع القصائد الولائية
1مشاهدة