امبارك يا علي
امبارک ياعلي اويافاطمه اويااحسين اوياسيد رسلها ابمولد المهدي
عيد واحتفال اوفرح کل امکان واجمل ورد الکم ناسکم تهدي
مو لنّه ذخرکم لعد عسر الکون واشلون الگطب ما بلطرب يبدي
کاس الهنه امنسم والاوتار اتصيح واحواس الخمس ليه بالشعر تشدي
اوکل الکون لجله امعّيد اوفرحان لابس ثوب عرسه اشحلو متردي
اطيور البالسمه والزي ابماي الهور سمچه ابلامته والگصب والبردي
اونوارس نهر کرخه اشطيط البکارون اوشاوور الوفي البالحفل متصدي
اوياروعة المنظر والجمال البيه چنک من تطبله ابجنة الخلدي
الاشعار الغزل والهوسه والموال تنعش حلوه حيل ابطيبت الشهدي
لبنک يالحسن للمنحجب عالعين للننتظر لينه ايسّير او يبدي
من اتضيج بينه اومن يچل اليل ليل الظلم واهله اعروگها اتسدي
اوتصبح لاعداله ولارحم بالکون ولاخل اعله خلّه ابطيبته ايندي
واتغيم اهموم الدنيه فوگ الناس يظهر ابوالغيره الروعها ايهّدي
البيه همه علي اوغيرته البلعباس زود احسين ابو وابصارمه الهندي
اوضاگت سيدي اوکل ظنتي ذاک اليوم حان اوگدر صبره انترس وايبدي
الظلم چلچل ابجوها انملت جور الگاع ساد الضيم ناسه الوضع متردي
چتل سلب اونهب والشرف حتي انباع اوزين الزلم ظل ليجيب ليودي
ابجنبنه اطفال تقتل تنسلب نسوان چم وحده التناشد ورموا زندي
چنها الغيره راحت والمشاعر ذيچ اهي الچانت بهلنه ابجدک اوجدي
اناشد وين صارت موش اهلکم ذول البلمگوار جابوا طوبها اليردي
العراق انوخذ منکم باگوا افلسطين لبنان اشتعل واجروحهم تدي
والحگ جسد ميت راح حگ الدود وينک ماتلحگ دهب يالمهدي
تراهم بس عبي وامزريات ابشوت مامن عرج يلبط زلمک العندي
شطي اوزين اعرفه اوموغميج اگوا شولتظن العبرته اتريدلک مردي
اوناس اومختبرها ابطوع هبت الريح ماتحتاج سيف اسوير من بردي
اومن گلي احترگ وآکل اظل بالروح ودموع الهظيمه اتبطط ابخدي