يا بويَ حسين

لَمَن عَزم حامي الحمى عَ السفر صاحت فاطمه

يا بويَ خذني ويا الظعن

بيا حال أظلن بالوطن

يا بويَ يا حسين خذني

چيف أجلس وحيده ابدار وحشه وفاگده الأنوار

أحلفك بالنبي المختار وأمك وبعلي الكرار

يا بويَ خذني ويا الظعن

بيا حال أظلن بالوطن

يا بويَ يا حسين خذني

ما أسمع حچي الأحباب وشوف امغلگه الأبواب

وسافي امغطي الأعتاب دموعي اتروي العَناب

يا بويَ خذني ويا الظعن

بيا حال أظلن بالوطن

يا بويَ يا حسين خذني

مِن أهلي لو يظل واحد شگولن لو لفى الوافد

عليله وعافني الوالد وحيده ودمعي الشاهد

يا بويَ خذني ويا الظعن

بيا حال أظلن بالوطن

يا بويَ يا حسين خذني

أندب والگلب مجروح وعيني ما تمل النوح

وياكم تروح الروح أقسم بالقلم واللوح

يا بويَ خذني ويا الظعن

بيا حال أظلن بالوطن

يا بويَ يا حسين خذني

أخذني ابجملة النسوان اراعي واحفظ الرضعان

شگولن من تجي الركبان عليله ومال حيل أحزان

يا بويَ خذني ويا الظعن

بيا حال أظلن بالوطن

يا بويَ يا حسين خذني

هذا البيت المطهر خالي ايظل يا مشكر

خَل عبدالله بيه استر تمنيت العُمر قَصَّر

يا بويَ خذني ويا الظعن

بيا حال أظلن بالوطن

يا بويَ يا حسين خذني

نِظَل بالدار يا محمد علينا مصاب يتجدد

لهيب الروح ما يبرد أوِن والگاك تتنهد

يا بويَ خذني ويا الظعن

بيا حال أظلن بالوطن

يا بويَ يا حسين خذني