أنا شحﭽي .. شﮕلك كلك اوجاع حرت من وين ابَدِّي وكلها ضيعه

الحزن راسه ﭼبير ودنﮓ وطاع تلمس ﮔلبك وأصبح يطيعه

صُبح حزني عليك اكبر من الﮕاع وحقك ضاﮔت بحزني الوسيعه

الصبر ماينشرى والموت ينباع شريت الموت وصبري برخص ابيعه

شريت الموت لني عليك ملتاع أون الله ياحامي الشريعه

مواجع وإنته ﮔلبك بالوجع ضاع تِوِّن لْوَقعة الطف الفضيعه

مثلها ماجرى وصوت الحزن شاع وبيها حسين ظل جثه صريعه

عليه الخيل جالت هشمت اضلاع انسحﮓ ضلعه مثل ضلع الوديعه

اهيج حزنك بلﭽمات لنزاع برضيع حسين وﮔوم اطلب رضيعه

أطلبك بالصبر ؟ يالصبرك شراع شعظم صبرك يبن فخر الطليعه

أون ياغيرة الله نجل لسباع فخركم هجمت اركانه الرفيعه

ركز بينا العدو بفرﮔاك سله البعد صوبني ولدلالي سله

يغايب سيفك المذخور سله واخذ ثارات ياروح الزﭼيه