جرحك يبو الحسنين صكني وعماني اصبر واضمد اجروح آنه وزماني

ينحب حسن واحسين والطم عله الخدين

آنه وزماني

جيت ارد اشوفك وانشد اعله الجراح واعرف الوصفه

گال الجرح يا زينب ودگ عل الراح ماضني يشفه

هذا الجرح كل ضني هوه الذباح واضماده كلفه

لاروحي تسچن لا گلب عندي ارتاح لاناري تطفه

لاطبر رساك ذاك وانطبر راسي شحجي وشگول اليوم شوصف احساسي

جرحك ترك جرحين والطم عله الخدين

آنه وزماني

يا جبل ثابت برض ايمان الدين مضرب مثالك

يا شمعة ايامي وزهت بالطيبين ياعلي بجالك

يحله الفطور بحضرتك ملتمين يزهي بجلالك

هالليله شخصك يا وسافه مودعين يخسف اهلالك

ينخسف گبل العيد حيدر اهلاله ضلت يتامه اليوم حيدر اطفاله

يجري الدمع بالعين والطم عله الخدين

آنه وزماني

يا وسفه ماتمت ليالي العشرة لاهّل الاهلال

ينذبح رمضانك يحير بآمره ياعترة الآل

تختنگ ريتي من الحزن بالعبره من جرح چتال

بعدك يبويه بهل الدهر وشيجره والحمل لو مال

يا امل يا رجواي يا عز دلالي بعدك يبويه اليوم مرّه اليالي

مهرب الروح منين والطم عله الخدين

آنه وزماني

يا دنيه گليلي اشكر عذبتي والجرح ملچوم

المّتي روحي بهل الكدر المّتي والگلب مهظوم

مرمرتي حالي بهل الحزن مرمرتي وبعمري محتوم

يتمتي روحي من الصبه بوالدتي والوالد اليوم

انحب واگولن آه واصفگ عله الراح گلبي انشلع يا ناس ماضني يرتاح

كلساعه اشوف البين والطم عله الخدين

آنه وزماني

يا هو المثل حيدر تلد دنيانه لاصاير ودار

ياهو انولد بالكعبه ضل نيشانه مشگوگه الاستار

ياهو الفتح خيبر وتل بيبانه واحمد اله اختار

ياهو النزل للعامري بايمانه وبحربه كرار

ضلت تون وتنوح لاعتب عالروح لمّن تشوف الروح حيدر المطروح

هل الدمع بالعين والطم عله الخدين

آنه وزماني

فگد الحبايب كل وكت نذكرهم حگهم علينه

طول الدهر تندب تضل مأتمهم روحي الحزينه

تاج الولايه عله الخلگ من ربهم همه السفينه

قايده سفان البحر قايدهم حيدر ولينه

لهل الذكر منصوص نفرح فرحهم ذكر الحزن لو صار نحزن حزنهم

فگد الولي امصابين والطم عله الخدين

آنه وزماني