رقية تخاطب الزهراء (عليه السلام)

للشاعر: ياسر الحمراني

(الموشح نبطي)

يتيمة الغريب حسين رقية تصيح يا زهرا جدي ساﮔي الكوثر و بويه ما شر ﮔطرة

نوايب رحلتي للطف باسولفها يا جدّة أبويّة انداست ضلوعه و حر لتراب أكل خدّه

و زينب عمتي صلّت صلاة افراﮔه من ﮔعده مصاب حسين من ﮔلبي سلب كل ﮔوته و صبره

سولَف لي الأبو عنﭻ يجدّه و خدّﭺ الملطوم و خدّه مثلﭻ اتورّم و شيبه اتخضب بلدموم

مظلومة انتي يم حسين و حسينﭻ بعد مظلوم بالباب انهشم صدرﭺ و بالخيل انهشم صدره

أبوﭺ الهادي يا جدّه عد ما ﮔرّب انزاعه بكلامه سرّﭺ و ضمﭻ لصدره بساعة وداعه

و اني بنزاع أبويّة حسين سمعت اتكسّر أضلاعه أبويه شلون يحضنّي و لمثلّث خرﮒ صدره

أبوﭺ الهادي يا جدّه ﮔضيتين العمر يمّه و ﮔبرﭺ يم حبيبﭻ صار و جسمﭻ صار يم جسمه

أما حسين صار بعيد عنّي و عن أبوه و أمه و بعد ما حبّه فارﮔني انفنى عمري بعد عمره

جسم الهادي اتكفّن و بوية حسين جسمه انداس وراس الهادي ما فصلوه أمامﭻ واكسروا لضراس

و اني لمن بغيت حسين جابوا لي في طشت الراس أبوﭺ بماي تغسيله و بوية غسله دم نحره

مسح بيده النبي راسﭻ و سكّن روعتﭻ و النوح و بوية ما مسح راسي يهدّي مني روع النوح

و بوﭺ أتوارى بس بويه ثلة أيام ظل مطروح و أبوﭺ اتشيّع الﮕبره و بوية ظل على الغبرى

قبّلتي النبي و راسه ماهو امجرّح و مفري و بويه حسين ما أمكن أقبله و جسمه دم يجري

ابحجره راسي ما خلاه و مت و راسه في حجري متحسرة انتي عالمختار و اني اعلى حسين متحسرة