حوار بين زينب والحسين (عليه السلام)

شايل ابضعنك يا خليصي وين بتروح وهموم بعيونك عسى تفداك هالروح

عازم على گطع الفيافي ابهالضعينة نطلع يروح الروح ونعوف المدينة

گلها يزينب طلعة غصباً علينه طالع وأدري وين بتوجه وباروح

شدي العزم وياي يختي ابهلملازم يا زهرة الزهرة ويا فخر الهواشم

قالت ملازم هذي هالطلعة ملازم مالي عن الأوطان يا ابن المرتضى نزوح

جاوبها لكن قلبه تتلاعب به الهموم زينب يدرع الصبر لازم يصح معلوم

الله اصطفى لي تربة أرويها بدموم أرض قفار وترتوي من دم لجروح

قالت رضيت بأمر المقدر وجاري فدوى إلك يحسين أقطع هالبراري

ولجلك يخويه لأهجر أوطاني ودياري وأمشي على مشيك يعزي وين ماتروح

قال الشهيد انروح لارض الغادرية وعاشر محرم ننذبح فوق الوطية

ويرتفع راسي فوق راس السمهرية وانت يخويه تنظرينه بدمع مسفوح