القاسم بن الحسن يطلب رخصة القتال

جاسم طلع وحسين يهتف مامن انصار و احنى عليه وضمّه الصدره بتزْفار

يقلّه العلامه انتَ امن اخيّي ياضيا العين ارجع بحقّي عليك يبني للصّواوين

سلوَه لبن عمّك و سلوه للنّساوين رَد منكسرقلبه وعليه اجتمعت افكار

تذكّر العوذه ورجع يقراها العمّه وحسين اخَذ بيده وحالاً دار عزمه

و نادى يَزينب ساعديني ابهالمهمّه وفردي الخيمه بالعجل يَبنت الاطهار

ياويح قلبي من فتح بيده الصّندوق ولبّسه ثياب المجتبى والقلب محروق

هاجت حريمه بالبجا وجم جيب مشقوق وزينب تباشر بالعمل والقلب شب نار

زفّه بحريمه و مال بيه لَيشوف اخوته لحظه قعد يَمْ بنت عمّه وسمع صوته

يطلب النّاصر وانتخى وثار بنخوته و حالاً صرخ لبّيك يامهجة المختار

لاقاه عمّه ورخّصه وعمّمه بيده و هيّج اهمومه مفارق اليشْبه عضيده

وطبّ المعاره والفضا يسعر وقيده و سبعين وسّدها التّرايب من الكفّار

عشره وثلاث العمر مازادن سنينه وبس عارضه الأزرق بدربه حان حينه

وثبّت بخاصرته الطّعنه ونصر دينه وسلّم على عمّه الولد والخيمته دار

بس ماوصل للوالده سلّم عليها وبت عمّه خبّرها بعد مايعود ليها

ودّعهن و ودّع حسين وصال بيها وانقطع وسفه شراك نعله وصار ماصار

ابن الخنا الازدي لقى الفرصه وتلقّاه وبس ماتعفّر على الغبرا صاح عمّاه

وحسين جدّل قاتله بالمعركه وجاه وصفّه مع اخوانه ووقف مفرود محتار