لقاء زينب مع ابن الحنفية

جيتك يمحزون من سفرة الشّام

قلبي ترا ذاب من نوح الايتام

جيتك يمحزون ثكلى و نحيله

خوي النحلني ركوب الهزيله

كثرة يتامى و حرمه ذليله

و تدري عداكم يا خوي ظلام

دقعد يمحزون نشرح لك الحال

من فارقتكم صرعى على رمال

جدّوا بنا السير حسره على جمال

للكوفه يا خوي و الروس قدام

و ابن الدعي زياد ذلني و هظمني

ما بين الاوغاد سبني و شتمني

و ربّق يتاماي خويه و حضرني

حسره بلا خمار بالمجلس العام

و بسفرة الشام قاسيت الاهوال

من وكز الارماح و ركوب الجمال

و بذيك البرور ما فوقي ظلال

كل ساعة توقع طفله من الايتام

يمحمَّد الشام هظم و مذلّه

قدّامي الروس مثل الأهلّه

و قايد ذلولي زجر و خولّى

تلقّوني يا خوي بدفوف و اعلام

يا خويه بالباب والله اوقفونا

و جابوا لنا حبال بيها كتفونا

و بالمجلس العام كلنا دخلونا

ربقوا يتاماي تربيق الاغنام

و جيتك نحيله و دمعي أهلّه

والله شبعت ظيم خويه و مذلّه

عني الدهر مال و العز ولّى

و حصني تهدم من جور الايام