في خطابه للحسين بعد قطع كفّيه

قطعوا العدا اجفوفي يخويه والعلم مال بالعجل شوف البيرقك يحسين شيّال

طاح الحمل يا بوعلي وقلّت الحيله مقدر أشيل سلاح والجربه ثجيله

مال العلم يحسين خل ضيغم يجي له لا ينكسر جيشك يبن حيدر يَسِرْدال

سيفي بسنّي والصّرع يسحب بالتراب والدّم ينزف والقلب يا بوعلي ذاب

هذا السّهم ناشب بعيني يابن الاطياب فدوه الخيالك مابقت لعْضيدك أحوال

والله فلا يطيح العلم مادمت موجود ملزوم أنشره والزمه بْصَدري والزْنود

مَيْطيح حتّى يطيح أخوك بضربة عمود ينكسر جيشك جان خدّي توسّد رمال

تحيّر أبو فرجه و وقف ودمومه تسيل وانسد دربه للخيم بالزّلم والخيل

نوبٍ يسنْد العلم صدره ونوبٍ يميل قرْبَت السّاعه وراسه انشق والعرش مال

تكوّر قمر هاشم وخر من برج مهره وشمس الهدايه حسين اجا مكسور ظهره

شافه اجفوفه مقطّعه و يفحص بغبره قلّه يخويه ضاعت اعيالي و لطفال

توعّى يَشايل بيرقي وعن هالتّرب قوم تترقّبك سكنه وزينب وامّ كلثوم

قلّه عن عيوني يخويه اغسل هلدموم بيني وبينك ياضيا عيني القضا حال