المستهل:

ايها الساقي تمهل وعن المهر ترجل

يبن سيد الاوصياء

***

يا سليل الخوه كلها والوفه واجمل معاني

خويه تانيني ارد اودعك خاف ما ترجع واتاني

تالي طولك ما اشوفه وتدري ما يرحم زماني

يل جبتني من المدينه وكتلي عندج خويه اني

عجبا حان الرحيل قد عرفناك الكفيل

يبن سيد الاوصياء

***

جان امس ليله مدامع والصبح يمطر منايه

خوف واه ودمعه عالخد والفرات بعيد مايه

خويه والعدوان لمت جيشها ورايه اعله رايه

وغيرك انت يا كفيلي منهو اليوفر حمايه

فالعدى حول المخيم ذاك شمر قد تقدم

يبن سيد الاوصياء

***

خوف وخيول ومخيم خويه ورماح ومعسكر

والعطش يا خويه تدري ناره بالدلال تسعر

والامان بلا وجودك يعني وضع العيله اخطر

لو عفتنه يا بو فاضل حزن هالاطفال يكبر

كيف نمسي والخيام بين الاف السهام

يبن سيد الاوصياء

***

خويه بعده الجرح ياكل روحي من اول مصيبه

وكلبي ما يحمل غيابك وانت للميدان هيبه

عيون عميه كلوب ميته عدانه ياخويهورهيبه

وياك اخذ روحي وكياني ولا اضل بعدك غريبه

كيف ان حل المساء وانا في كربلاء

يبن سيد الاوصياء

***

واعدت وادري بوعودك مثل قانون المنيه

لكن الباري اليريده نافذ بهايالقضيه

شاء رب الكون توكف خويه هالوكفه البهيه

وخصك براية محمد والكفاله الفاطميه

يا اخي ذاك الفرات فاجعل الجيش رفات

يبن سيد الاوصياء