ما قصرت يا عباس شكرا على جفينك

مرفوعة هامك والراس يتشكر امن اجبينك

راعي الوفه يا عباس قوم انهض وحاجيني

اختك يراعي النوماس زينب أني وتدريني

انتظرك اترد اردود ومن الفرات اتجيني

زينب أنِي وأرد ألقاك يالما نسيت اسنينك

*ما قصرت يا عباس شكرا على جفينك*

*مرفوعة هامك والراس يتشكر امن اجبينك*

انته السند وانته الروح وانته الظهر والتچوه

بلوه ابتلينا ابفرقاك ما في مثلها بلوه

ماتدري عقبك شالصار وبيّه الدهر وش سوّه

صرت ابوسط هالظلام أصرخ يخويه وينك

*ما قصرت يا عباس شكرا على جفينك*

*مرفوعة هامك والراس يتشكر امن اجبينك*

من اطلعت يا عباس وللنهر رحت ابلهفة

خضت الفرات ابصولات والحالة ما تتخفّى

بس بالغدر من صابوك دمك تفيّض نزفه

صابوا العدا هامك حيف لمّن بروها ايمينك

*ما قصرت يا عباس شكرا على جفينك*

*مرفوعة هامك والراس يتشكر امن اجبينك*

اسمع يخبرني احسين عباس ظل عالتربه

ماقبل يرجع الخيام صعبه ويجيلج صعبه

مغطي الوجه واعله القاع يمّه العلم والقربه

قتله يخويه امشي اوياي وفّيت انته ابدينك

*ما قصرت يا عباس شكرا على جفينك*

*مرفوعة هامك والراس يتشكر امن اجبينك*

يابا الفضل عوف الماي وارجع نريدك يمنه

انته التشيل الكلفات قوم انهض و سّلمنه

عقبك اجو ذوله القوم حرقوا علينا اخيمنه

ندريك توفي ابلوعود لو سالمه ايدينك

*ما قصرت يا عباس شكرا على جفينك*

*مرفوعة هامك والراس يتشكر امن اجبينك*

حالي يخويه ابفرقاك اتبدّل واتغيّر

ما أدري يا خويه شلون بفراقك آنه أتصبّر

مقدر أروح ابليّاك واعله السّبي ما أقدَر

ما أمشي إلّا وألقاك تبرى الظعينه ابعينك

*ما قصرت يا عباس شكرا على جفينك*

*مرفوعة هامك والراس يتشكر امن اجبينك*