دام النَفَس بينه نهتف يا علي حيدر يوالينه يا نعمَ الوَلي

انته الأمير انته بيك الگلُب دگته

یالِّذي اتملّكته ما أدري من يمته

أوّلنه تالينه گلنالك بَلي

انته الهوى و الروح يا بلسم المجروح

بسمك عِلَلنه اتروح ذكرَك عبير ايفوح

ذكرَك يداوينه و الهم ينجلي

حبّك فرض مفروض ابكل مُستحب و افروض

يالساقي منّ الحوض و اليعترض مبغوض

ابيمنتك تسقينه و الچَف ممتلي

بيك الگلُب مفتون ثابت بلایه اظنون

رغم الذي ايعذلول ميهمنه شيگولون

اگلوب التشک بینه تسعر تغتلي

يا مالك الكوثر ربّ العرش قرّر

بس انته بالمحشر اتنادينه يا حيدر

وينه الهتَف وينه حيدر كافلي

الكل شيعي آنه أشفع و الكل إلك يسمع

و كلمن جِحَد يطلع خاسر الما بايع

هاذ الخسر دينه لا يقرَب إلي