يا مالك الشعورِ ولا شعور سعياً على الرؤوسِ جِئنا نزور

نرجو تجارةً لنا لن تبور نرجو تجارةً لنا لن تبور

يا أيها الذين آمنوا هل أدلكم على الطريقِ الأمثل

تجارةٍ تجيكم من عذاب بيها الربح يوم القيامة يحصل

فاز الگصد يمه .. ولا همه حچي العاذل

فاز الذي يحضر .. لأبو الأكبر و ابو فاضل

وياك اجينه ندخل ابتجاره ياضامن الصفقه بلا خساره

يحسين بعنه ارواحنه اشتريها ردنه الثمن خطوة مشي بزياره

هاك نزف دمي .. وسعر سهمي رخص لجلك

هاك يسلطاني .. علوا شاني تحت رجلك

يالرايد استثمار وبضمانات اقرأ بتأمل كامل الزيارات

متر ابمتر لحسين ابني موكب واشتري جنة عرضها السماوات

زور تره الزاير .. صبح تاجر مع العتره

زور واخذ ربحك .. اعله گد جرحك من الزهره

انا من رأس ماله رجائه رجاءه باللي غسله من دماءه

افضل بضاعه زيارة اربعينه والجنة بوابتها كربلاءه

جيت لمعشوگي .. انا وشوگي ودمع عيني

جيت بعت عمري .. واريد اشري رضا حسيني

مثل التجارة هاذي عقلي ماشاف مضمونة ارباح وتردلي اضعاف

لو انفق بدرب الزياره دينار يتعوض الدينار عشرة الآف

صار عقد رسمي .. قصر بإسمي اويه كل خطوه

صار السفر مكسب .. اذا اتعب التعب يسوه

اليضيف له زاير واكرمه ابميته هوه الحسين بنفسه يحمي بيته

والله يبارك له برزق عياله ويطول عمره وتندفع بليته

شوف الفتح داره .. لخطاره شعظم قدره

شوف واخذ حصه .. الحياه فرصه تجي مره