إشلون تقعد زينب بنسوان واطفال واخوانها بليل احدعش متعفره لرمال

الجيش كيف بالجثث ويدوس لوصال والغيره تاخد زينب اتطالع جهتهم

اشلون تقعد تستكن وتهدأ الروح وعباس ضل جنب النهر عاشاطي مطروح

ياريت قدرت توقف وللكافل تروح لا تضيع جفينه وعلى زنوده تردهم

هالليلة وحشة وفاجعة وزينب بلهموم أخوانها بكل صوب متخضبة بلدموم

بسياط يضربها الشمر عباس ماتقوم ومتنها متورّم وضل سالم متنهم

أطفالها تخاف الصهيل وشبَّة الخيل مرعوبه سهرت للصبح مانامت الليل

لكن جبل قلب العقيلة تحمل الويل كلمن يعمه يصيح والعمه تلمهم

لاويش خلاها الدهر بالغربه تبقه كانت عزيزه وتشبق العباس شبقه

راح وترك مابينها ومابينه فرقه وعيون حلوه حديت بجيت ضعنهم

طر الفجر من نوحهم ماغمضت العين وجنها الرباب تقول زينب شل تشوفين

قالت أخاف ايبان ليهم خاتم حسين خوفي التفاتي ايضيع والخاتم لفتهم