هذا القاسم ينادي بشروا يا بني الهادي

الزهره وعلي و النبي زفوني

هذي الزهره بيميني وتمسح دمعة أعيوني

وبكفه النبي بمايه يرويني

وجدي حيدر إقبالي وبويه بالفرح جالي

كلهم والملك قاموا يزفوني

آنه القاسم المقتول هذا جدي المرسول

بكفه أرتوي و أنساها أحزاني

هذا لني بالميدان بسيفي اقتل العدوان

وبسهام الغدر كانوا يصوبوني

هذي امي تنادي عرسك يالولد بادي

ودمك حنتك والبشت اجفانك

وعمرك من عمر الزهور وقلبي لشوفتك مفطور

ودمعي اهمله و اذكرها أحزانك

بالله يمه ذكريني خادم آنه لحسيني

ومن يمر شباب اتذكري حالي

عمري من عمر شبان لكن منيتي الاجفان

احضى بالشهاده وهذا يهنالي

هذي عمتي زينب ضلت بالحزن تنحب

تلطم راسها وتنادي يارمله

شاب وخانته الدنيا وامه بعده مسبيه

وهو عالترب متلطخ بدمه

واعظم لو شفت عمك قام وجابك يحملك

وظهره منكسر من قطعة اوصالك

صرت اقباله كالقربان رحت انت يا اعز انسان

ودمعه يذرف من يذكر خيالك