إشسَبّبِت آلام يايوم الرحيل والزمن عگبك يبو ألزهره ثجيل

والذي ويّاك هالگامت تميل على الدنيا والطمع واليها

بالسقيفه اتآمرت ذيچ الزمر يقودها الشيطان وعليها اشأمر

أتعوف نهج المصطفه وسيد البشر رضت بالذل والحقد عاميها

نكرت اوصيتك وگبّعها الجحود إتمرِّدت عالدين ولذيچ ألعهود

اعله الوصي شمُّرَت ياحيف الزنود وسلّت اسيوف الحقد تاليها

ألأمّه تاهت عگب عينك يالرسول التعبد الأوثان هالگامت تصول

مدّت اچفوف الضلاله اعله البتول حرگت وكسرت ضلع هاديها

اتولّت اعله الناس بسيوف اوقهر من اهل بيتك قرّرت تنفي الخبر

وماتبقّي العترتك الهم أثر إبسفك دمها اترجِّع الماضيها