النصرة الحره الزلم متحزمين تنتظر عباس أمره ايصدره

لو نخت زينب وحق راعي الچفوف الشام من دم الرگاب انحمّره

الگبة الحرة الزلم نفرشها گاع لو دروب التوصل الها امدمّره

و الله نمحي الشام عن بكرة ابيه لون زند الغيره بينه انشمره

احنه شلنه الجرح من يوم الطفوف ولسّه نحر احسين ينزف عالثره

ولسّه نارالخيم تسري اوي الضلوع و بالاگلوب الثار ناره اموجره

و والله لو ينفجر بركان الجروح تلتهم ناره النفوس الفاجره

جيش حراس العقيلة امحزمين ولو نخت زينب نسوّي الما جره

حجر من حفروا ضريحه ما لگوه يم ضريح الحرة ناصب سيطره

اتهون يا زينب وحق راعي الچفوف وظلي مرتاحه الزلم متنطره

قسم بالهادي النبي المد رجله ليچ انگصها من احزامه خافن مادره

وينهه ارجال اللي كتبت ترحلين بعده لا ما جابته الهانچ مره

اليوصل الحدچ نعده من الممات جاي ملك الموت منطي التذكره

احنه بينه اچفوف ابوفاضل تصول و من يلاوي اچفوف سبع الگنطره؟

خاف ظنوا هم ترد ذيچ الطفوف و هم ترد بت الزچيه اميسره

والله زينب لون مسّوچ ابهوان انسويّ الشام الزلمهم مقبره