لا لا تلجموها روحي ابجرح لحباب مجروحه تدروها لمّن والدي غاب

أدري لو طاب الجرح فتره ويرجع ينفتح

جرح لحباب

كل محب ينصاب من يرحل خليله ابجرح منه اشكد يعاني ايظل دليله

وأنتو شفتو نعش محبوبي أشيله والمصيبه اتراب كبره ابجفي أهيله

لا لا تلوموني لو شفتوا الدمع طاح أحبابي عافوني أجذب حسره وانياح

ردته لدمعي ينمسح فتره ويرجع ينفتح

جرح لحباب

ودّعت أحكام قراني و صلاتي وريت وياه ادفنتها ذكرياتي

شلي بالدنيه بعد شلي ابحياتي والدي لمن رحل أعلن وفاتي

من أسمع الحراس بأسمه من ينادون هذا أمام الناس نعشه يالتنطرون

معمي جفني و لا شبح فتره و يرجع ينفتح

جرح لحباب

آنه وأختي و الدمع بالوجنه يحفر لن حنان اجفوف فوك الراس أشعر

صحنه منهو بالمصيبه يمنه يحضر صاح هذا آنه أبو الأيتام حيدر

أولادي أحضرهم آنه و الزجيه ابجفي اصبّرهم شدّة هالرزيه

أرسم وجه بالفرح فتره ويرجع ينفتح

جرح لحباب

الغالي لمن رحت عنه و فاركيته لا يسامحني ألهي لو نسيته

تشهد اعليه الليالي اشما نعيته طوس بحزاني امتله من عاشريته

بيمن تذكروني ذكره اببالي ما ضاع مرسومه بعيوني صورة عشره و اوداع

بأسمه صوتي لو صدح فتره و يرجع ينفتح

جرح لحباب

كل سنه أكصد ضريحه ابرجب مشاي وأنظر المهدي أجه وأنصاره وياي

بالمسيره اجروحي كلها تنشفي ابهاي اشلون انسه الفاجعه و تعرضها دنياي

كلما أشاهدكم أنظر جيش مجموع للمهدي قائدكم بيرق عهد مرفوع

ثاره جمره اشما جدح فتره و يرجع ينفتح

جرح لحباب