حزني انوجد.. طول الأمد عالمنذبح مظلوم

والليله أحن.. وابدي الحزن عالبالغرب مسموم

بمصاب الرضا انواسي المرتضى

عالبالغرب مسموم

ابفكد الرضه كلبي صدح اينادي و يردّد هالليله رجعت كربله و الهم تجدّد

ابهالفاجعه جرحي انلجم و حيلي تبدّد هاتف عصف ريح الحزن و الخبر أكّد

شمس العله ابسم انغدر من أعتا مرتد باللوعه والهم سيدي يومك تحدّد

هذا الجرح لو ينفتح يا بلسم اللي ايفيد وابحسرتي وابدمعتي نيران جرحي اتزيد

اتشب نار اللضه انواسي المرتضى

عالبالغرب مسموم

وياك هاليوم انفرض مأتم عزانه يجمعنه هضمه يا علي ويومه دعانه

من غابت انواره انهدم سور الديانه سيف الذي صابك علي سيف الخيانه

ابسمه العده صابوا جبد عزنه و حمانه نفس الجرح يا ابا الحسن كرر زمانه

بالنايبه متعذّبه يا حيدر الأرواح لهذا السبب دمعي ندب والحزن صار اوشاح

جرحه ما مضه انواسي المرتضه

عالبالغرب مسموم

وياك مدمعنه اختلط وحسرتنه حسره هذا الجرح بينه استمر ماظنه يبره

ما يشفه وامصاب الرضه كل لحظه اذكره والحزن طبعه ينتهي يا خذله فتره

يا حيدر و هذا الحزن بالكلب جمره وابكل زمن متواكده و ينعاد صبره

كلما يمر جفن الدهر يجري له بالدمعات ابصبر و الم كلبي انهدم وانشحن بالآهات

أمر الله و قضه انواسي المرتضه

عالبالغرب مسموم

وياك ارض طوس انطوت ابفركاه ذابت اجفون الثكالى لفركته سهرانه باتت

لمصيبته ظلت تحن وبالحزن هامت لمن رحل عن أمته بالخطر صارت

وتتمنه يندار الفلك وأيامه عادت يا حيدر اعيون الخصم فرحانه نامت

شبل الغرر نوره اندثر وعن الأحبه غاب ناره أبد ما تنخمد مثل الخيم لهاب

ابسم عمره كضه انواسي المرتضه

عالبالغرب مسموم

من عكبه ظل وجه الأرض تارك علامه والدين بغيابه انرصد ابموج الظلامه

وفكر الشرك بيه انزرع و حرّف كلامه عالكبر يا حيدر حنه واعلن ختامه

من الحفيد المرتقب ايريد انتقامه يومك يغايب منتظر يوم الزعامه

يالمنتظر هذا الأمر بيك اقترن وايدوم يبن الحسن يمته يحن واتنادي ثار المسموم

نصرخ بالفضه انواسي المرتضه

عالبالغرب مسموم