يمته انشاهد نور الغايب ابناس العذل يبدي ايحاسب

يا يوم انشوف النور ايهل وابدينه واحكامه يعدل

هذا الموعد بينه طوّل وابثارات اجداده ايطالب

اتصد ابعين البضعه العبره اتناشد ثار الضلع و كسره

يا يوم ايصح بيدك جبره وتمسح بيدك دمع الساجب

يبني المهدي اتنادي الكوثر عصروني اعله الباب اهل الشر

محسن طاح وصدري اتكسر وخدي احمر من ضرب الناصب

بالمحراب الوالي اتصوّب ابفيض الهامه الشيب اتخضّب

هذا اليرهب لمن يحرب ابسيفه ارتد جم جاني و غاصب

عن ثاره الكرار ايناشد يمته ابسيفه تمحي الجاحد

اتنام اجفون العادي اتشاهد سيفه ابراسه بعده ضارب

جبد الشبّر ينطر وعدك وندري ابناره تلهب جبدك

بعروكك أصبح سم جدك وابكل جمره كلبك لاهب

جعده الخلّت كلبك ملجوم مجروح اعله امصاب المسموم

تحسب واتعد ابهاليوم حيث ابكلبك جرحه صايب

عندك أصعب ثار ايألم عينك لجله دمعتها دم

منحر خنصر صدر امهشم فوك اجبينك ثاره كاتب

عن ثار احسينك يالمحجوب ابدمه اتطالب متلهفه اكلوب

امتاني يا لوعه وثار النوب خاطر نسكت ما نتعاتب

بعده الشمر ابنحره ايكطّع وجسمه اعله الغبره اموزّع

راسه ايناطر يوم المطلع وسن الرمح ابناره لاهب

احنه اويه الثارات انتاني وبينه الصبر ابسيفه فاني

ابفقارك تقصي جم جاني مثل الضيغم حيدر غاضب