غايب يمته يرسل اجوابه

غايب وعنّه يذكر أسبابه

غايب حتى نعذر أغيابه

غايب مو عن داره واحبابه

على اجروف الصبر ماتت أمانينه وكلت يا ريح أخذيها مآسينه

لحباب الكلب خبري اشسده اعلينه دمع و اهموم فركاهم يراوينه

وينه محبوبي و نظر عيني

وينه هذا اللي يسلّيني

وينه نار افراكه تجويني

غايب وسط أحشاي لهّابه

أعد كل ليله أظل وأيام منتظره وأكولن باجرايعود النه من سفره

ابويه احسين بغيابه الف جمره وأتاني و روحي من فركاه متوجره

كلبي بس ربي الذي يدري

كلبي فاركني و أخذ عمري

كلبي اشكد مالوم من صبري

غايب ظل مجروح بصوابه

رغم الدمع أحس ذابل رمش جفني ولفراكه الكلب محفور من حزني

ونين الثاكله التفكد ضنه وني وبعد دارك عكب عيناك متلمني

دارك وحشة كبر جن صارت

دارك عمدها راح وانهارت

دارك بسمكم يا هلي صاحت

غايب من راح انغلق بابه

عذابي امن الدهر حل بينك و بيني وظلت شابحه صوب الدرب عيني

أحسّب بالظعن ساعات يلفيني وأتاني أخبار من عدكم توافيني

ما صح خبر واحد يبشّرني

ما صح دوه العلتي يرّيحني

ما صح عليله ومن تبارحني

غايب ابروحي جمرة اعتابه

مثل حال الحمامه أصبحت مذبوحه ابكل خفكه أحس بجروحي مفتوحه

أخيط بالجرح وادموعي مسفوحه ومعروفه الكلب ما تنشفي اجروحه

جرحي عذابه صار من هجره

جرحي تعال ابشوفتك يبره

جرحي ابدليلي انحفر جم مره

غايب أذا سهم البعد صابه

هلي ابغربه و رسايل ما لفت منهم وين الوالد أسأل واخوتي عنهم

ولا لمحة طفل بيه تذكّرهم وياريت الرضيع ابحالي خبّرهم

يمته رقيه من تسأليهم

يمته ابحال اختج تذكريهم

يمته اشوكت يا يوم ألاكيهم

غايب طوّل يومي واحسابه