الروح شدت يبواليمه امتاعها وغيركاعك ماتودمرباعها

الك حن كلبي مثل حنةالنوك ولهبت الروح بلهب جمرة الشوك

لجن طوكهه الزمان شلون طوك طوك الاثام انغرزباظلاعها

امطوكه روحي بسلاسل من حديد رادت تناصرك ضد عسكر يزيد

شما تحل من طوك ينشدوتزيد السلسله اعليهه وتجتف ذراعها

وضلت بحيره بامرهه وابصرت لحالتك يحسين حين اتصورت

شافت جيوش الاعادي اتحضرت لروحها اتود بالظلم اشباعها

وشاهدت يحسين حالك بالخيم اتهون بصبرك الم نارالالم

بالوداع ايهون توديع الحرم لجن زينب مايهون اوداعها

وشاهدت زينب تودع بالابطال وعكب هالابطال يتغيرالحال

من يهاب الحره واهيه بلارجال وهيبة اللبوه بوجوداسباعها

ومن بعدساعات الوداع الاخير شافتك للموت قررت المصير

وعلت صرخة لامعين ولا نصير صرخةالحق دوت باسماعها

وحين سمعت صرختك بين الحشود ياحسين اصبحت جمرتهه تزود

وهاجت وكسرت كل ذيج القيود وراعهاامن امصيبتك ماراعها

واعتنت تنصرالحك وداعيه شاهدت قبه ومنايرعاليه

عرفت تاخرت عن التضحيه والحياة اتبدلت اوضاعها

اخسرت ماشاركت روحي بثورتك لجن رادت يوم تحضه بخدمتك

شافت ايزيداللذي حزركبتك يريدينهي ثورتك واتباعها

فرحت ورادت لماضيك تعيد تمنت تضحيلك بدم الوريد

طلبت انصارك لكت منهم عبيد ومنهم اللي نسه الغيره وباعها

حسين رادت طلعوااكثرمن ثنين كل فردمنهم يصيح انه الحسين

همه قادوا هالسفينه بلايه عين وهمه كسرواللسفينه اشراعها

مبداك عافوالافات الزمن وكعدوااتحموا بنيران الفتن

بيدهم باعواالغيره بلاثمن لجن موبيديهم استرجاعها