( هلهن أدموع الوفه )

هلهن ادموع الوفه وسجل انتساب بيهن إتوزّم لعد يوم الحساب

هلهن ادموع الوفه الليله ابوفه الليله ابوالصادق چبدته نازفه

من بعد عينه عله الدنيه العفه وياگلب بعده بهوه الدنيه استطاب

لاهوه بعده يظل واسمه الهوه كل گلب لفراگه بأحشائه انچوه

آ ه أصيحن عالذي سم إرتوه لا يج بثگل الآلم حين المصاب

عينه طافت بالحزن تشچي الحزن ولوعت المهجه عله المهجه تونّ

اتوسط اجروح المواجع ممتحن والهموم اتكفلت رد الجواب

آيلوعه الگطعت گلب الأمام لا ركد جفن الهظيمه ولاينام

عالمضه ارتاچ الظلع رد استقام وأشحلاته ويه النفس لو حل عتاب

شاشة الماظي عله الماظي مشت وگلّبت خط الخيال وصفّحت

من ضمه وجور ومرا ره اشفزّزت ويا نحور اتعلگت فوگ الحراب

هاجت المهجه بهموم الموزمه والچفوف امگيده وتگطر دمه

والصدور ابنص حزنها محرمه ظلت اتحزّ بيها شفرات العذاب

يا صور للفاجعه إبّالي تدور من جرت نارالعده ابذيچ الخدور

وكل اهالينه بگت بس النحور والأجساد اتوسدت حرّ التراب

شطنّه للحومه ندور اعله الحمه ونخبر حسين اعله حرگ امخيمه

اندارت اعلينه الأعادي امحشمه كل گلب بالخوفه والرهبه استراب

چم وچم لوعه على گلبه اركدت وبآلم گطع الچبد روحه انسبت

مهجته بنار المواجع گوطرت وبلضه السم انسبه ودلاله ذاب

الليله ليلة فاجعه اتذوّب الصخر اليله گلب الطاهره اعليه انفطر

الليله للباقر نهل دمع الحمر وبالنحيب انسجل بلوح الثواب