( دستور الحزن )

الليله للصادق توقعّ إحضورها شيعته وبالدگ توسّم إصدورها

الليله للصادق تهل دم شيعته وتنحب بجمر الحزن لمصيبته

الليله بالسمّ گطّعوها چبدته وغدرته گوم الظلاله بجورها

الليله مردو مهجته بالنايبه والآلم أعلن عليه امناوبه

ناحت الدنيه وتعلّت ناحبه وأهمل وفيّض دمعها ابحورها

الليله لوعتها جزت بحر الوصف منها كل ثگل الرواسي يرتجف

حسره بصدور الليالي وما تعف والحزن بيها انطبع دستورها

الليله ابو موسى عليه اتجمعنّ كل هموم الفاجعه ويتفازعن

واعله چتله بشفرة السمّ وقعنّ ونثرت بدمه المحن منشورها

الليله ابو موسى عليه اتحزّمت زمرة الغدر بحقدها اتأمرت

وچبد ته بسمّ النگيع اتگطعت ونالت بفگد الولي مقرورها

الليله چنها بعيني تتگلب صور وأنكشف بخيالي منظرها وحضر

وچني اشوف الصادق ايلوج بخطر راكعه المهجه وتقدّم انذورها

وچني بعيونه وجفنها الما غمض والآ لم بيهن تحرّض وانتفض

وگلبه ذاب وسلّته اللوعه ونگظ وسلم الأمر ورضه بمقدورها

چني أشوفه اتغير وصابه الذهول وهّمه ذاك العذبه چنه يزول

ولنّه يضوي بحضرته وجه البتول ونوّرت ليل الفجيعه بنورها

چني أسمعها وتهوّ نله الأمر أتگله أوصيك الصبر يبني الصبر

يولدي هانت ولا ظل للعسر وهاذي يبني الغانمه وإمهورها

يلله يا شيعة علي انواسيها الليله واجب يا هلي انعزيها

والصدور من اللطم ندميها للغده روح العقيده وسورها