( الليله گلبي بيا حزن )

حمل أحزانه لبو الهادي ومضه الليله گلبي ولوعته بجمر اللضه

الليله گلبي بيا حزن ليه اعتنه ولوعتي بصدري حرايب چامنه

وبحمه اظلوعي المواجع ساكنه هاجت الليله المصاب ابن الرضه

هاجت الليله المواجع للجواد وأعلن الخاطر لبو الهادي الوفاد

حشّم ادموعه وتوزّم بالوداد وإرتجز فوگ الليالي المغرضه

عيني لمصاب الولي الليله تهل والگلب لهمومه شرّع يمتثل

عالرمت چبده ابغدرها أم الفضل وأمست بدربه المنايه معرضه

الليله ليله اعله الموالي موحشه بيها ابو الهادي نزف دم الحشه

ودّع الدنيه بگلب ذايب مشه ومن أثر سمّه الچبد سلّ وگظه

الليله ودع دنيته زين الشباب بنار كبره اتلگت الشيعه المصاب

ذابت اگلوب المله الهاذه الغياب والهموم اعله الخوافگ عارضه

صيحوا واويلي عله مصاب الأمام گطّع أوصال الچبد سمّ اللئام

نالت اسهام الغدر منه المرام ظل ثلث تيّام جثه رابضه

ظل ثلث تيّام عالغبره طريح مثل ابو اليمه الگظه بطفه ذبيح

لسّه تنحب ليه دنيانه وتصيح والحزن بينه مصابه امفوضه

يا حزن بينه على مد السنين يبقه للمحشر على عاتقنه دين

شما بچينه ونعمي العيون الثنين ما نوفّي حسين شبل المرتضه

كل مصاب ايمرعله الخاطر يطوف إلّه ذيچ الفاجعه بيوم الطفوف

رضتّ اظلوع الوفه وگطّع الچفوف لوعه وبوسط الضماير نابضه

أدري گلب ابن الرضا عمره ينوح وطيف ابو اليمه عله اعيونه يلوح

ما غمض جفنه ولا هادتله روح بيها للموت الآ لم ظل فارضه