( بچت ليه الشمس )

الليله روحي ويه الحزن ميعادها ولبو الغايب دمعتي وفّادها

الليله ياهالنوح ثبّت محضري وخله دمعي اعله الوجه من دم سري

ذوّب المهجه مصاب العسكري وأعلنت وسط الحزن لحدادها

الليله جرح الحسن فزّ ز لوعتي وهيّج اهموم التنام ابمهجتي

أنهدت ابلا مدره عيني دمعتي وصدّرت أمر البچي اعله امهادها

الليله چبد العسكري بسمّ انمرد وأنسبت دار الهواشم بالوعد

بالهضم گلب الولي الليله أنضهد وإنحنتله المعرفه وزهّادها

الليله ابو المهدي بچت ليه الشمس وانحبتله امرادفه جن وأنس

الليله موعدها تجافيه النفس للعظيم ابكل حزن مگصادها

الليله كون الواسعه الهمه انظنك وانزلت للحجّه متعنيه الملك

عزّ ته ومأتم نصب ليه الفلك والأرض ضجّت مناحه أوتادها

يا مصاب الجزّع ابحور الجزع وفاضت من الرهبه ساعات الفزع

عالكدر جرح الحسن لوعه فرع والمواجع منّه حبل اشدادها

الليله صدر المهدي بالهم مبتلي بيا گلب يتوادع الليله الولي

وباچر من الحسن داره ايظل خلي وتفگد إعلوم الشهامه اجوادها

ملتوي بلوعاته وايگلّب الجفن والهواشم حاطته وكلها تونّ

اگباله ابو صالح مهجته تنسحنّ والجروح اخذت دليله امرادها

آه يا دمعه التجرّح بالوجن حمّلت شفره اعله شفره من الحزن

امسه مولاي ابهمومه ممتحن وناره يا دمعه التكفيّ اخمادها

اتصوّر ابعالم خيالك موقفه يمّه ابوه وچبدته بدم نازفه

وعينه بس دمعتها ظلت ذارفه وروحه أمر الله الصبرها گادها