( قافلة الجروح )

ليك صوت الدين يالمهدي أيهتف جرحه ملچوم وتحت كتره النزف

ليك صوت الدين ينحب هاتفه ومو جرح ألاف أمست نازفه

ولا هو المنهن سهل وايوصّفه كل جرح بالناس يتعده الوصف

كل جرح بالناس أصبح قافله وأمست الآهات ليهم نافله

بالهظم والعوز دنيه وحافله ويا گباحة ليلهم هاگد صلف

تاهت الوادم يبن عقد الوله وأنفگد صوت العداله اعله المله

أمست أبوسط المعاصي امحلله وعالضماير را ية الباطل ترف

ناده صوت الدين يا راعي العدل يمته سيف الحق عله الظالم يحل

هاي دمعات العقيده تنهمل وهذا ظيم الدهر عالوادم كلف

ناده صوت الدين يالمهدي بآلم لابگت أخلاق لاظلت شيمّ

بس جمل تنگال خلوها القيمّ والأمم ميزانها رد منحرف

ليك صوت الغيره ينده يالحبيب يدري ماغيرك لعد جرحه طبيب

لشوكت يبن الحسن عنّه تغيب ولشوكت بدرك علينه منخسف

وينك اتشوف المصايب والفتن مرّمرتنه وحشّمت جور الزمن

من حواري خيامنه سهام انرمن والگصد لصدورنه الرميه تلف

لعبت ابنصنه شياطين المله وگمنه شنهوالينفع النه انحلّله

والنفوس من المعاصي امتلّله ومن حليب ابليس ليليه اتغرف

وسفه يالغايب ضحك وجه الحرام وانتعش باحسن عصر طيب المقام

من نفاق وغيبه طلعت عالمرام وإليّ يولي ابعظّته حاشه ويعف

موته يالمهدي بخوافگ نابضه وعالصدور اهموم ظلت رابضه

ما لها غيرك يسبط المرتضه تعّصف بيمناك هالباطل عصفّ