( علگو رايات الحزن )

علگو رايات الحزن دگو السواد هل شهرعاشورعنوان الجهاد

باللطم يا شيعه شافوها الصدور والدموع التنزل اتوصف الشعور

آه يمصاب البچت ليه الدهور وا حسين انصيح ياباب المراد

يا شهرعاشور ياشهرالحزن بيك چم روح بآلمها تنسحنّ

وابمصاب حسين ربك يمتحن منهج الأيمان بگلوب العباد

منهج الأيمان واشهود السنين رايته نحره وترفرف عالجبين

صحنه ابد والله ما ننسه الحسين جيل يلحگ جيل واليوم المعاد

بالطفوف حسين اصبح مصرعه والگمر يضوي بنواحي المشرعه

اچفوف عالتربان منه امگطعه والشمس صارت لعد جرحه ضماد

يا شهر بيك المصايب تلتهب وزينب ابلا والي ظلت تنتحب

والخيم مابين نيران وسلب والحراير تاهت ابوسط الحماد

آه ياضيم اللفه حسين وهله لمن عنهم ليل عاشورا نجله

وأصبحت بالدم شباب امكحّله عالتراب اتوسدت ذيچ الأجساد

والمصيبه المرت اعله العايله من بعد چتل الحياده ابكربله

مأسره ا لچانت لهلها امد لله وامست اعله امتونها اتخط الأحقاد

شافت من الضيم واللوعه شكثر تمشي والمدمع يهل حرّ الجمر

والهظيمه التطعن بلب الصدر اچفوف ابو الباقر تدمّيها الأصفاد

آه ياعاشور ياشهر الدمع چم وچم دلال منك منفجع

وچم يتيم المن عملتك منصدع وچم جرح للموت ما حل الشداد

علگوا لهفات الجفن فوگ الجفن وخلو كل مهجه ابمرارتها تونّ

ليل عشره لوعله الوادم يجنّ ثوره من لوعات يعلنها الوداد