( عجيد الغانمه )

يا شبل حيدر گطيع احزابها يا عجيد الغانمه ومحرابها

يا شبل حيدر يبو الغيره ونعم ياربيب الهدّم اعروش الظلم

هوه سمّاك وكفو الذاك الأسم بالوغه العباس يچفي انصابها

بالوغه العباس چن حيدر تگول يرعد بميدانها ويفرس فحول

عاصفه من الموت وبسيفه تصول وبيمينه اتولّه حصد أرگابها

وبيمينه اتوله يحصد بالرگاب ما تشوف السيف بس ومضة شهاب

زلزل اعروش العده وذلّ الحراب وفرّت الأقواس من نشابها

فرّت الفرسان من طب حومته وأفرض اعله الموزمه بعز سطوته

ردت الخندگ تلوح بضربته وحنّه هامات العده بخضابها

حنّه هامات العده بدم العده چم شد يد اعله الترايب وسّده

من علي زود الحرايب مورده والمعاره بطرف سيفه احسابها

بالمعاره اچفوفه غيض امحرّضه والمنايه ابطرف سيفه معرضه

حيدر اعله الزوم آمرّ فوضه والسباع من السباع انسابها

والسباع اجيالها اتولّد السباع تآمر اعله الحيل والآمر مُطاع

لو توزّم مرهفه طود الذراع إتلوذ منه الگاع تحت اترابها

صال مغضب وأفرّ گ احشود الزلم ايتبعه ملچ الموت ما يلحگ يهمّ

موش سيف أتگول حاصوده يزمّ وشفرته ولا تد ري وين اگرابها

خاطها العباس وحده بيمنته صاحوا الكرار ردّ ابحملته

فرّت الجيمان من طب حومته كرّدس اصدور العده اعله اذ نابها

هاذه شبل الحيد عالذلّ ما يبات ولا تغرّه ابيوم لذات الحياة

ذلّل بچفه الأسد ماي الفرات والشريعه بدمّه كحل أهدابها