( وارث مرجلة حامي الدخيل )

وين اخو زينب شبل عدنانها جيوش أميّه اتفرّهد بصيوانها

وين وارث مرجلة حامي الدخيل وين اخوي الجابني وبيه چفيل

وين چيّال الزلم حين المچيل الگوم أجتنه اتلوّح بعدوانها

الگوم اجتنه وعالخيم هالجيش غار وابصواوين الحرم شبّت النار

گوم يا عباس ابن حامي الجار وأگطع بيمناك كل جروانها

گوم ياعباس ياشبل الفحول واركب اعله امطهمك يبن الأصول

بين نيران العده وبيني تحول منته لحمول الكلف ريسانها

وين ا خو زينب يسبع الگنطره الذلتي اجيوش آل أميّه امحضّره

والهظم ناره بدليلي اموجّره مالي غيرك من تشب نيرانها

وين ابو فاضل ينوماس الفخر الساعه ردتك للخيم خويه اتحضر

اتشاهد اختك والظهر منها انكسر وأصبح ابوسط الخيم ميدانها

گوم يانبع ا لوفه ابصرح الوفه گوم ياحلا ّل ضيج المكلفه

كلمن اخلافك يجود بمرهفه يا گطيع بمرهفك جيمانها

گوم ياعباس وأرگه امطهمك هاي زينب يالچفيل اتحشّمك

جيوش أميّه اتعدت اعله امحرّمك گوم واعدل للحرب ميزانها

گوم واعدل كفّة اعلوم الحرب لا تخلي اختك مدا معها تصب

فرگه واهموم ومطاعين وغرب اشبول هاشم هاذه مو ديدانها

الصوت هاذه الصوت ياشبل الأسد وين برّا گ اللهب ليل الرعد

وين زرّا گ المنايه اعله الشدد وين جوّال اليحصد أركانها

گوم ماني ابموزمه اتنخيتك داست العدوان عتبت بيتك

وانته يالهز النوايب صيتك گوم يا عزوت هلي وفرسانها