( طود الوفه )

گوم ياراعي الحمه وخيّالها شوف زينب بالطفوف ا شحالها

گوم ياعباس ياطود الوفه گوم خل چفك يعانگ مرهفه

هاي لينه الگوم أمست زاحفه للخيم يابوالفضل مگبالها

گوم ماني اختك يحمّاي الظعن ياليمينك زود يالزودك وطن

ترضه لعيوني بهظم خويه أدمعن والشماته اتنومست بفعالها

گوم يالبيك الرجه لهل الرجه زينب ابظيم ومواجع غارجه

من عگب عينك مصايب ملحجه وحالها ابناره ايحرگ دلا ّلها

هاي منّه اتريد عگبك تشتفي تريد نور الباري بأرضه ينطفي

حاشه لنّك عالهظم خويه أتغفي ويأبه بارينه أيحصل منوالها

گوم يربات الهواشم ياعجيد گوم خلها الگاع بالباطل تميد

خلّه صمصامك يطرّ بيها ويبيد وخله لرگاب الكفر مهوالها

شعاهدت حيدر يضرغام المحن هيبتي بيمناك لو جار الزمن

هاي هزّلهم لأسري اتحضرنّ گوم يالسيفك كفو لثگالها

من عگب عينك يشبل الغانمه الذلتي گوم الرذيله أمحزّمه

والهموم بروحي طافت محرمه گوم وأگطع من صلبها أجيالها

گوم ياعباس يالصعب المراس خلّه سيفك يمتثل وألبس الطاس

وخلي راس بگطفته ايدگ ويه راس واگطع ابيمناك حبل اوصالها

گوم واگطع للعده احبال الوصل لاتخليها لعد عزنّه تصل

هذا اخوك حسين راسه منفصل وما بگه غيرك يرد ارجالها

گوم ماني أختك يبن حامي الدخيل خلي كفّة كربله بيهم تميل

وخلها بأسمك تنذچر جيل اعله جيل يالتعيّد بالمحن واهوالها