( هد طفل الحسن )

هد طفل للحسن والعمه فزع حين شافه وحيد بالحومه وگع

ناده عبد الله وتعلّت صيحته من رصد عمه وتبصّر طيحته

دارت الخيل اعله عمي بحومته بلا شعور بجد مه للحومه اندفع

شالته الغيره وتدمدم وانتفضّ واعله عمه بلهفته همّ وركضّ

ما نحر صدره الحشد لا واعترض ولا ثنت عزمه عساكرها ورجع

صدله ابو اليمه وتجلّت دمعته ناده د ونچ هالشبل ياعمته

ردي عبد الله يخيتي الخيمته لا يصيبه منظري بريبه وفزع

هدّ يمينه ومسرع اتعنه ويصيح دونك اعله الغبره هالمهجه تطيح

اولا اشوفك تنزف وجسمك جريح الحالتك دلالي ياعمي انشلع

ناده ياگوم الرده يهل الرجس اشحّده منكم للولي بسيفه يمس

هاذه التصلّي على وجهه الشمس ولجله هالكون وموازينه انوضع

بلهفته ودمعاته عالوجنه تصب ذب على صدر الولي روحه ونحب

وبدمه حسين الطفل وجهه اختضب ولا ابد من شبگته ملّ وجزع

ولن يلوّح كافر بغلّ الصدر نيّته الهام الولي بضربه يطرّ

عن جسد عمّه نحر سيف الغدر بحدة الضربه الطفل چفه انگطع

فرفرت روحه مثل طير انجرح منذهل والعمّه بعيونه شبح

يگلّه گطعو يمنتي ودمي طفح ادمع حسين وعلى حاله انفجع

ضمّه عمّه الصدره وايهوّن الالم ايگلّه گلبي الحالتك والله انهظم

يبني هونك هالقضه اعلينه انرسم ساعه وبحظن الحسن يجفي الوجع

ياهظيمه سيوف أميّه الحاطته وبغدرها المامثيله اتولته

بحظن ابو اليمه العده من ذبحته ويه مصرع عمّه عبد الله انصرع