( يالتناشد عالزلم هاي الزلم )

احيود عبد الله ونعم منهم أبطال من عمام اتورّثوها ومن خوال

يالتناشد عالزلم هاي الزلم ثلّة ابطال ونعم منهم نعم

عالصوا رم شدّو الغيره حزم و أرجنوها الحومه من حل النزال

هدّو اشبول الهواشم محزمين بغيرة إسباع الفلا تهده وتلين

زلزلوا أرض الوغه ليوث العرين وانچفّت حيد العده أيمين وشمال

هدّوا وكل واحد ابكتره إرتجزّ وبصدر ظالم نصل سيفه ارتكزّ

مدرّع ومن زينب أعلومه احترزّ وبعزم من حيدراعله الحومه صال

صالو وجالو يمين وميسره چنهم بضرب الصوارم حيدره

لو گمر هاشم گطيع الگنطره أدّوا الفرض وتعدوا للخيال

بيّضو وجه العقيله بكربله تشهد الوگفتهم أقطاب المله

ولسه بعيون الموالي ماثله وگفه والله اتميزت بيها الرجال

انشد الطف عنهم انشد تربته شلون وگفه الي اوگفوها بمحنته

واشترو بالدم تجارة نصرته وبدماهم كربله محنّيه الرمال

فزّ ع ابن زياد جيشه وزمرته ودارت اعليهم دواير وگفته

شي طعن بالسيف شي حط نبلته طاحو اعله الگاع وانحل الوصال

طاحوا إعله الگاع والصوت ارتفع فدوه الك يحسين والموله سمع

حمل سيفه وليهم بهمّه فزع گلهم ونعمين اديتوا إمتثال

ساعد الله گلب زينب واشحمل چم مصاب وچم فحل منها ارتحل

ظلت اتشاگف نوايب للأجل وانسبت بالطف عگب ذاك الدلال

شلون موقف زينب بطفها أوگفت اسهام تترامه بمصايبها أردفت

وأحرگو صيوانها وتالي انسبت للصبر صارت صرح طول الأجيال