( احيود الكلافه )

جالت ابوسط المعاره انصارها وأقسمت بالدم تسجّل اخبارها

طرّت الحومه صناد يد الزلم للكلافه احيود تگظيها ونعمّ

الليله دون حسين ملهوفه وتهمّ تكتب بنور الشهاده اشعارها

تكتب بنور الشهاده الملحمه وعالوفه السبط النبوه عازمه

هبّو وكلمن توزّم صارمه زلزلوها وهيجوا مغبارها

زلزلوها انصار ابن حامي الدخيل ودونه ريح العاصفه بچفهم تميل

صاحو ونار الغضب منهم تسيل اليوم نطويها ونكوّر اسفارها

اليوم دون حسين ابد ماننثني ولجله لبحور المنايه نعتني

انموت كلنه ولا يصل ليكم دني ياحلاها الموته دون اخيارها

ياحلاها الموته دونك مؤنسه عفنه اهلنه إلمن وعفنه النسه

وعگبك إلمن هالنفس نتنفسه وإلمن اتجود العمر احرارها

إلمن انجود العمر يبن البتول ون موليكم يريحان الرسول

والله بالحومه ومراسمها نصول نخطف من حشود أمّيه أعمارها

نخطف أعمار ونجلّبها العده والنفوس ويه الشهاده امواعده

ليها تسعه بالغوانم جاهده وابرحه الكون انعرف مغوارها

وابرحه الكون الخوافگ تنسعد وحاشه لن بينه اليخاف ويرتعد

ولاابد عنكم يبو اليمه نرد اگلوبنه امشرّعه و هوانه اسرارها

گلوبنه امشرّعه ونگرّ عينك يدرّ والله يحسين العمر شنهو العمر

دونك اسنينه عله الغبره تسرّ ولا تصلّك من أميّه اشرارها

ماتصل ليك الحشود الكافره إلّه بطفوفك جثثنه أمعفّره

والنفوس بعز هواك امشفره يانفسنه وسرّ وجود انوارها