( طوفان نوح )

شلون ليله الكون بأكتاره انرجنّ عالهوا شم دارت أفلاك المحن

شلون ليله الأرض تنحب والسماء طاحت حيود الفله وحلّ العزاء

ناحت بدم عالفواجع كربلاء والجبال من الحزن كلهن وطنّ

شلون ليله الكون تيّه مركزه ورد على طوفان نوح وفزّزه

نصبوأهل الكهف مأتم للعزه محرز اليحميهم بصدره انطعنّ

شلون ليله الوكت ذاب من الوكت والشمس دم عالأرض گامت تكت

صاحت الحره عگب عينك ضعت خلافك جروح الحزن بيّ اوجرنّ

شلون ليله الليل ما يقبل يحلّ والآلم محرب ولايرضه يچلّ

والنظر للحومه رمياته تسلّ والهموم اعله الحراير چودرن

شلون ليله أجساد ظلت عالأرض محرمه بدمها وتعنت للفرض

مارضه اعليها الظهر جفنه ايعرض وحشه لو ساعاته عنهن حدرنّ

شلون ليله اعله الهواشم موحشه والفواجع عالخواطر معرشه

اتوجّرت نار المصايب بالحشه وابلضه الفرگه ومرارتها أنچونّ

شلون ليله ليلة امصاب الطفوف امگابلات الحومه واللوعه تطوف

اتصيح زينب وين ابو فاضل يشوف شلون عگبه ادموم دمعاتي جرنّ

شلون ليله المايصح ليها مثيل ادموعنه خوف وحزن نارالتسيل

ندبت الحره يبن حامي الدخيل اعلينه خيل النايبات اتفازعنّ

شلون ليله أطفال فرّت خايفه والحرم صدت لهلها لاهفه

من النواظر دم تهامل ذارفه وأمهات ابفگد الأعزاز انسبنّ

شلون ليله حسين عالغبره طريح إموسّد التربان والينه ذبيح

اتوسطتهن زينب بلوعه وتصيح للسبي اربات الخدوراتحضرنّ