بارض المدينه حوَّل ارض الغاضريه وقال انظري وابقِي يفصل هالرزيه

هذي التربه اللي عليها يسيل دمنا وهذا الجانب فيه بنطنب خيمنا

هالنهر يَمَّه ينصرع شايل علمنا وهذا مكان الحرب واملاقى المنيه

وهذي مصارع فتيتي من شيخ وشاب واهنا أبتعفر يَيُمَّه فوق لتراب

إهنا بتوقع ذبحتي واخبرك بمصاب اهنا بينرض هالجسد بالأعوجيه

واتناول امن ترابها وقال احفظيها معْ تربة الجدي عطاك الها اجعليها

وكل يوم بالمنزل ييُمَّه تجسَّسيها واتعهَّديها كل صباح وكل مسيه

ولازم تشوفي يوم عاشر شهر عاشور هالتربتين ادموم بالقاروره اتفور

لمصيبتي تتفجر بلدموم لصخور ويظلم الكون وتنكسف شمس لمضيه

واذا رأيتي العالم اتغير بحمره وفاضت التربه ادموم يا ساعة القشره

قولي العزيز احسين حز الشمر نحره وبرض المدينه نصبي المأتم عليه

ومن لفى الموعد يوم عاشر يا مسلمين جتها وشافتها تكت ادموم صوبين

علت الصرخه آه واحزني على احسين معلوم هالساعه انذبح بالغاضريه