آخر الأخبار

ديوان السادة

علي السجّاد صعبه امصيبته

21 سطرًا

علي السجّاد صعبه امصيبته جرع هم و ألم من دنيته

تجلَّد عالمصايب بالصبُر گضه بالنايحه كل العمُر

حمل آلامه و امفَوْض الأمُر إله الكون يعلم حالته

حمل لوعة زمانه ابكربله كتاب احزانه دوم ايرتِّله

مصايبها إله متواصله ابدمِع يجري ابأنينه و حسرته

على أهله حسِرْته اموجّره نظرها اعلى الصعيد اموذَّره

اشجرت في كربله من مجزره تشب نار الغضا في مهجته

نظر زينب علىٰ كور الِهزِل و اهو ابگيد الحديد و محتمل

و ابو الأكبر بگه فوگ الرمِل و إلى الشامات يَسْرَوا عيلته

خذوه مغصوب بگيود اليسُر أسير و ينظر ابنات الطُهُر

عگب عبَّاس حاديها زجُر أبد مو سهله هذي محنته

عليه الدهر بارزاءه قسه وگف خاطب يزيد ابمجلسه

مصايب كربله ما تنّسه و مهجْتي امن الحزن متفتته

أبد و الله ما أنسه الجره گطع منحر سبط خير الوره

و بگه امعفّر على حر الثره و اهو وحده غريب ابغربته

و من بعْد السبي رَد للوطن و ما هوَّد أنينه و لا سكن

و اشينسه مصيبه و يا شَجَن ليل انهار تسفح دمعته

يمزج مأكله ابفيض الدمِع حسرة گلبه بالهم ترتفع

نحيبه اليعتلي ما ينگطع و على المظلوم مات ابلوعته

اعلى هالحاله وسف عمره انگضه إلى أن جفنه سدَّه و غمَّضه

و غدت روحه إلى الله فايضه إلى المعبود يرفع شكوته

شارك هذا المحتوى
12٬425مشاهدة