في مقتل ألإمام علي (عليه السلام)

«ميمر مذيل»

روح القدس القدس والله اشمصيبه

حيدر يودع اعياله والله اشمصيبه

الله من سهم الوداع الچتال چم گلب گلطع

الله واكبر شنسبت بيه اعيال واشجره المدمع

هاك اخذو صفه وشوف تغيير الحال واصبر لتجزع

سهم المفارگ ..

أثر ابحيدر ..

صابه وگطع دلاله والله اشمصيبه

خل عنك اوداع العليه ما تگدر تحمل امصابه

واخذ البعض منه وتعرف اشأثر وشعمل نابه

نار ابگلب زينب توج وتسعر أثر اصوابه

واسي العقيله ..

واسي العقيله ..

بدموعك الهماله والله اشمصيبه

اول وداع الوجرت بيه النار تنطفي وتسعر

بين العقيله وبين حماي الجار اللهُ أكبر

ابفجرية البيها طلع من الدار اشجره ابحيدر

حن على زينب ..

حن على زينب ..

گلبه وتغير حاله والله اشمصيبه

أمسه وصي الهادي بفراشه ايلوج ويبارح الهم

ويشوف نفسه ابحر محتومه ايفوج والبحر من دم

نويه ايعله او نوب العليه يعله الروج والاجل جدم

بالحكمه شاهد ..

بالحكمه شاهد ..

چتله وعرف چتاله والله اشمصيبه

يصد للسمه ونوب يصد لنجومه ابناظر القدره

ينادي هيه والوعد هذا يومه ومدع ابصيره

ويشاهد ابنص ناظره محتومه او تيسير امره

والأمر جاري ..

والأمر جاري ..

وسهم الگدر يبراله والله اشمصيبه

وبت فاطمه من شاهدت واليها حاله فجعها

يحتسب بالله وللنفس ينعيها وصوته صدعها

استرهقت لطمت عالوجه بيديها وفجر دمعها

صاحت ابعبره ..

صاحت ابعبره ..

آ يا لدهر وافعاله والله اشمصيبه

نادت يبويه ماتهيد اشمالك چبدي تگطع

وكل ساعه لن حال ايتغير حالك وحالي تروع

بعدك عدل وتحسب ابچتالك وناداها الانزع

مچدر صباحي ..

مچدر صباحي ..

سترالله من أهواله والله اشمصيبه

وتعلقت زينب ببوها وتگول لا يا ولينه

عيني العمه ولتشوف ابوية مچتول وانگطع بينه

هذا الحسن وحسين عندك مدلول مهجة نبينه

عد من تودعه ..

عد من تودعه ..

منهو اليريف ابحاله والله اشمصيبه

ناداها يازينب يمهجة ياسين ثگلتي همي

طالع آنه ولمن ابچتلي اتسمعين وما يخفي علمي

من الدار يابت فاطمة لتطلعين بالخدر تمي

خوفي الأجانب ..

خوفي الأجانب ..

شخصچ تشوف اخياله والله اشمصيبه

حيدر عدل والزينب ايوصيها بهاي الوصيه

تطلع من الدار او يخاف اعليها راعي الحميه

ياريت ينظرها عگب حاميها بالغاضريه

ظلت غريبه ..

ظلت غريبه ..

وبولية الجماله والله اشمصيبه

اتمنيت حيدر حاضر ابذاك الحين يسمع بچاها

ويشوف زينب من عگب عين حسين شنهو الدهاها

من العصى اتوسمت منها المتنين والهم علاها

كل الولاها ..

كل الولاها ..

طگها ابچعب عساله والله اشمصيبه

من عگب ذاك العز بنت حامي الجار امست غريبه

لاخيمه بيها تستچن ولا دار ظلت ابريبه

تصد للخيم وتشوفها تلهب نار والله اشمصيبه

واطفال اخوها ..

واطفال اخوها ..

تسحگهم الخياله والله اشمصيبه