يابني عدنان شبت النيران

احرقونه .. مارحمونه

يابني عدنان

ياخويه من بعد فقدك أنا من وين إلي حامي

يابو فاضل يانور العين أريدك تمحي ظلامي

أنا بصبر على اليضرب ولاكن لايشتموني

وبدل مايشتموا بويه بحبلهم خل يقيدوني

زينب أخيتك نتنظر جيتك

أشتمونه .. مارحمونه

يابني عدنان

ولك شكوه يخويه حسين يلجسمه على التربان

تدري وش حصل بينه صاروا هالعدى وليان

تقوم وتحمي أحريمك أو ويايه تلم أطفال

وتطفي نارها خيمنه وتواسيني على هالحال

آه ياخويه حسين ياحمى هالدين

أضربونه .. مارحمونه

يابني عدنان

أريدك بو الفضل تنهض وتشوف إلي جرى عليه

رجعت الشام مسبيه من الظلام متأذيه

وراسك على الرمح عالي وجسمك بالدمى مدمي

ومن أبجي على حالك عدوك حيل يضربني

ياعظم حالي فقدة إخواني

فرهدونه .. مارحمونه

يابني عدنان

ولينه مبتلي بعله ومايقوى على الضربه

براسه وأيده مقيد وصارت مشيته صعبه

أساعد هالولي بمشيه يضربوني بلا رحمه

أناظر أيده ورقبته شفتهم ينزفوا بدمه

الولي صابر من صبح عاشر

مارعونه .. مارحمونه

يابني عدنان

أنشدك ياعلي الكرار ونشدتج يمه يالزهره

هذا حسين على التربان ياوسفى منقطع نحره

حضرتوا المعركه وشفتوا أبو فاضل يجيب الماي

يقولوا زنوده متقطعه ودمعي عليه بدى هماي

وآنه أشبيدي أستر أبإيدي

سيبونه .. مارحمونه

يابني عدنان