هذي ام عباس باب السائلين كعبه وتلوذ بأسمها المؤمنين

هذي ام عباس عنوان الشيم الوفه منها ظهر بين الأمم

الگصدها ماتخيبه ام الكرم تگضي كل حاجه لنه برفع اليدين

مايخيّب اللي دعاها ام الگمر هيّه مِنْ الله لِنه ملجى و ذخر

نلتجي بيها بشدايدنا التُمر حاشه اترد الدعانا خايبين

ننصح المعلول اذا ايريد الشفه بروحه يتوجه الى ام الوفه

ماترده لا ابد بيها الكِفى تگضي كل امرن عسر ام البنين

ابجاه ام الطاهرين الأربعه نرتجي بالله يجيب إلنه الدعه

وابولدها اللي وگع بالمشرعه مطلب الحاجات كهف اللاجئين

گوم يبن العسكري طال الصبر الألم زايد علينه والقهر

انهض وخل العداله تنتشر بأسمك احنه انصيح يبن الطيبين