أتنادي ياحيدر جميع أيتامه وهو طايح منضرب بالهامه

اتنادي ياحيدر الايتام وتلوع وتلطم اعله الراس وتهل الدموع

راح ابونه الكفل كل هاي الجموع وبعده ظلينه برحه الدوامه

تشعر الايتام ميلمها الفضه وبعد شيعوض مكان المرتضى

راح نادت قدوة الحق والرضه ويبچي ظل بعده عليه صمصامه

انظر وشوف اليتامه بيا وضع تبچي ياكرار وتهل الدمع

اعليك ذابت مثل ميذوب الشمع وسهرت الليل وبعد متنامه

ياهو غيرك الها يافيض الحنان ايخفف الها الالم وتحس بأمان

اسمع أيتامك تنادي بكل مكان الزمن سدد بالدليل اسهامه

واحنه وي ايتامك الليله بألم نبچي يابو حسين ونحس بعدم

كل ركن للدين هاليله انهدم بطحيتك وگلوبنه محتامه

امست الدنيه بغيابك مظلمه ونادت الاملاك وبعالي السمه

انطبر حيدرنه علي حامي الحمه انطبر ساجد بچه حتى اصيامه