وينك ياحبيبي اتشوف كل الصار عن بعدك اسولف واسمع اخباري

مجنون اصبحت بعيون كل الناس وحرت المن اسولف واكشف اسراري

روحي من الزغر هامت بهل البيت وافز بخبال لو مريتو بالطاري

تعال وشوف بيه اغيابك اشسوه انه ذبني الدهر ومحبتك تجوه

تعال وشوف دمي لو دمع جاري

عذال الدهر كثرو يبوصالح وآهات الكلب والوعه انصاري

تعال وشوف يالفركاك دوهني بس تلكه الدمع لو تتبع اثاري

تعال اتسودنت بيكم يبو الغيره وصرت مثل الغريب الما اله ديره

ترد روحي من اشوفن وجهك المهيوب يصير انته حبيبي ووجهك اتديره

انه يوسف زماني من وكع بالبير مد ايدك يغالي وطلعه من بيره

انه بلوه ابتليت بهل العشك بلوه يغالي وبلوتي بحب اهل المروه

تعال وخل افك حزن الزجيه الطال تعال وارد انشدك والدمع هطال

ثارك هذا ظلع ام الحسن مكسور ثارك هذا يامولاي لو ثاري ؟

تعال اشعندي صبر ايوب واتصبر هذاك ايوب راد ايجربه الباري

ولا عندي صبر نوح واضل انطر واكول الشوفته تسمحلي اعماري

تعال الدنيه وكحه والجرح ميهون تعال وشوف جم شيعي الصفه مرهون

تعال وشوف جم موسى بحلك هارون تعال الدنيه شرطه والملك فرعون

مأتم للحزن منصوب ليل انهار وحقك وانطبك ليلي على انهاري

سمير اكلوبنه ياطولت فركاك ترضه اكلوبنه تخطفها ايد اعداك

يماجد والمجد يتماوج ابمعناك المجد مخطوف واحنه انريده من يمناك

حبيبي نار بعدك تاكل بروحي وتلهب من اكلها اتقبلي اعذاري

والله العين دم تهمل على رؤياك واريدن من جفوفك تمسح اعباري

مهو عيني انطفت يالمهدي اترجاك رد ليها النظر ياقرة انضاري

احبك حب جنوني وابد مايدرون يصورون العشك يالمهدي طياري

مايدرون حبك ثابت اوي دماي وملك روحي وحياتي وملك افكاري

ملك روحي وحياتي وملك اشعاري