وهلي عله موسه الدمعات هاي المسيه

مات بغربته...طفو شمعته

هاي المسيه

هل الدمع وي فاطمه يا بغداد...بأبشع جرم رد الظلم حكمه وعاد

توارثتي حقد أجداد للأحفاد...و حكم الرعايه اتسلط اعله الأسياد

بالحكم بني العباس نهج آل أمية...من الأساس يبغضون سيد البرية

ظلموا بضعته...طفو شمعته

هاي المسيه

مات بغربته...طفو شمعته

هاي المسيه

صب الدمع للخلص اسنينه بآه...بغربه ولرض طيبه يديرن عيناه

وجده النبي امسير الكون بيمناه...انظر عظم جمرة امصابه وبلواه

بظلمة سجن قضه اسنين واقيوده بيده...وابتده القيد اويه اجفوف جده الصميده

صبر الصبرته...طفو شمعته

هاي المسيه

مات بغربته...طفو شمعته

هاي المسيه

بغداد اغسلي بدمعتج ذنب الصار...سجنج إله قصه اويه آل المختار

خلي رمش عينج شمع للزوار...دوحه وتشع بتربتج هالأنوار

نور الجواد المظلوم بالهيبه أزهر ...نور الإمام المسموم موسه ابن جعفر

والتزهي قبته...طفو شمعته

هاي المسيه

مات بغربته...طفو شمعته

هاي المسيه

وين اليواسي فاطمه وونتها...بمصاب ابنها اتجددت محنتها

اشلون اعله موسه بهالمسه حالتها...فوق الجسر طابع أثر دمعتها

يومية فاجعها اصواب واتهل دمعها...يومية مسمار الباب يكسر ضلعها

وموسه وحسرته...طفو شمعته

هاي المسيه

مات بغربته...طفو شمعته

هاي المسيه

كربله الليله و الغري وسامره...اتعنت لج اتواسي بدمعها الزهره

ومن مشهد ادموع المصاب ابعبره...ومن فاطمه المعصومه دمعه وحسره

اقلوب البقيع بونات تشجي وخفية...اتعنت القاضي الحاجات للكاظمية

وونتها سكته...طفو شمعته

هاي المسيه

مات بغربته...طفو شمعته

هاي المسيه

بغداد إلج شارة فخر موسومه...قبتين بجبين الدهر مرسومه

احميها من جف العده المسمومه...مظلومه ذرية النبي مظلومه

مظلومه من يوم الباب بأول ضحيه...حسرة الزهره ومحراب حامي الحميه

كلمن محنته...طفو شمعته

هاي المسيه

مات بغربته...طفو شمعته

هاي المسيه

اقلوب اعتنت لك هالمسيه اتواسيك...وبحرقة امصابك تون واتناديك

باب الحوائج يا ولينه انسميك...وكلنه أهل حاجه وتوجهنه اعليك

يوم الحشر يا مولاي انت سندنه...بس حبكم ودمع العين يالوالي عدنه

وعُمر اللي عشته...طفو شمعته

هاي المسيه

مات بغربته...طفو شمعته

هاي المسيه